اتجوزت متسولة منتقبة قاعدة تحت الكبري عشان أعدل غلطة، ولما أهلي شافوها بان الرعب في عيونهم وأمي صرخت فيا: “انت متعرفش المصيبة اللي عملتها في نفسك!”، ولما كشفت النقاب من على وشها فهمت أمي تقصد إيه!
أنا اتولدت وفي بوقي معلقة دهب زي ما بيقولوا، بس للأسف أهلي شافوا الفلوس دي تذكرة تحكم في حياتي كلها وامتلاك تام لقراراتي. بالنسبة لهم، أنا مجرد عيل صغير أي واحدة ممكن تضحك عليه بسهولة عشان تلهف فلوسه وأملاكه، وكانوا مصممين إني ما أتجوزش غير واحدة على مستواهم.
بس أنا كنت مخنوق جداً من العيشة دي والفكر المادي ده، خصوصاً إن قلبي اتعلق بواحدة تانية خالص؛ زميلتي في الجامعة، بنت محترمة وطيبة، كل عيبها في نظر أهلي إن أبوها راجل غلبان على قد حاله، وشايفينهم مش قد مقامنا.
صممت بكل إصرار إني أخطبها، وأهلي حولوا حياتي لجحيم من الرفض والضغط، بس تمسكي بيها خلاني أقف قدامهم لحد ما وافقوا نعمل خطوبة.
بس يا ريته ما حصل ولا رحت بيهم هناك! يوم الخطوبة، أهلي عملوا كارثة بكل ما تحمله الكلمة من معنى. بهدلوا البنت وأهلها بكلام قاسي، وأمي طلعت في وسط الناس وقالت: “احنا جايين النهارده نخطب بنت الحسب والنسب، ونهنيها إنها لقت صيدة سهلة زينا وقدرت توقع واحد متريش!”.
أهل البنت اتصدموا من الإهانة وأبوها وقف بذهول وقال: “إيه اللي بتقوليه ده يا هانم؟!”.
أمي ضحكت وقالت له: “بالظبط، أنا بالنسبالكم هانم، وانتو آخركم خدم، مش تطمعوا في ابني وتوقعوه عشان فلوسه!”.
الكلمة جرحت كرامتهم ودمرت كل شيء. أنا اتصدمت وحاولت أوقف أمي، بس لسانها ما سكتش، وأبويا تدخل ودعمها وقالهم: “احنا منتشرفش بيكم، وخلو عندكم دم واطلعوا بره حياتنا!”.
ساعتها، كرامة أبو العروسة اتفجرت من القهر قدام الناس كلها، وحلف يمين ما اتجوزها ولا تكون ليه، ولا حتى سمح لها تكلمني تاني.
(حكايات_زهرة_الربيع)
حاولت معاه بكل الطرق، بس قفل الباب في وشي ورفض تماماً أي تواصل بينا. وبعد أيام قليلة كانت الصدمة الكبرى لما لقيتها اتخطبت لشاب تاني اختاره أبوها بنفسه عشان يبعدها عننا.
وقتها حسيت بغضب وظلم ميتوصفش، النار كانت قايدة جوه صدري من أهلي وطمعهم اللي ضيع مني حب عمري. وأنا راجع البيت روحي كانت مسحوبة، لحد ما لقيت تحت الكوبري بنت منتقبة قاعدة بتتسوّل في البرد. منظرها كان يقطع القلب؛ هدومها مقطعة ومبهدلة، وننقابها متبقع وعليه تراب، وماسكة في إيدها لقمة ناشفة تسد بيها جوعها.
صعبت عليّا حالتها جداً، نزلت من العربية ورحت حطيت لها مبلغ في المنديل اللي قدامها. البنت بصت للفلوس وفضلت تدعي لي بدموع وفرحة.
لحد هنا كنت هسيبها وأمشي، بس فجأة افتكرت أهلي وغضبهم وطمعهم، وافتكرت خطيبتي اللي ضاعت بسببهم. بصيت للبنت وخطرت في دماغي فكرة، وقلت في نفسي: “هيحصل إيه لو ابنهم اللي استخسروه في البنت الغلبانة وناسها دخلهم بالبنت دي؟!”.
وطيت عليها وبصوت ثابت قلت لها: “تتجوزيني؟”.
البنت اتصدمت وفضلت بصالي بقلق وفاكرة إني بتريق عليها.
ابتسمت وقلت لها: “متخافيش، أنا بتكلم بجد.. هتجوزك، وأخدك تعيشي معايا في بيت كبير ومرتاح”.
استغربت جداً وقالت: “حضرتك تتجوزني أنا يا بيه؟! إيه جاب لجاب؟!”.
ما فكرتش ثانية واحدة، ولا اهتميت هي مين أو شكلها إيه. كل اللي كان شاغلني ساعتها هو نظرات الصدمة والغضب اللي هشوفها في عيون أهلي، وعايز أحرق قلبهم زي ما حرقوا قلبي. قلت لها: “قومي معايا، متقلقيش من حاجة خالص”.
أخدتها على أول مأذون قابلناه في سكتنا، وجبت اتنين شباب من الشارع يشهدوا على العقد. كتبت الكتاب وأنا حتى مش باصص في وشها، ولا طلبت أقرأ بطاقتها أو أعرف حتى اسمها إيه. كل همي كان الانتقام وبس.
ركبت معايا العربية، وسوقنا لحد البيت. دخلت من الباب وماسك إيدها بقوة.
أهلي كانوا قاعدين، وأول ما شافونا، أبويا وقف متسمر في مكانه من الصدمة، وأمي اللي كانت بتشرب قهوة اترشقت من بقها من شدة الذهول، وفضلوا باصين للبنت بنظرات رعب غريبة وعميقة!
ساعتها اتكلمت وقلت لهم بسخرية: “سعاد… البنت اللي كنت عايز أخطبها، اتخطبت لغيري.. وعشان كده، قولت أكافئكم.. اتجوزت البنت دي من على أول إشارة، عشان أقولكم شكراً على كل اللي عملتوه فيا وفي حياتي!”.
أبويا بلع ريقه بصعوبة وقال بصوت ميت والمرعوب: “انت… انت اتجننت بجد؟! عملت إيه يا غبي؟!”.
وأمي اتهارت من العياط، وقالت بصوت كله رعب: “انت… انت متعرفش المصيبة الكبيرة اللي عملتها في نفسك؟! انت… أنت شوفت البنت دي الأول؟! عرفت هي مين أصلاً؟!”.
استغربت جداً….كنت مستني أشوف في عيونهم الغضب والعصبية، مش الرعب والهلع ده كله! إيه اللي ممكن يخوفهم من متسولة لقيتها تحت الكوبري؟!
قربت من البنت وسألتها بتوتر: “انتي.. انتي تعرفيهم؟ بيبصولك كده ليه؟”.
البنت فضلت ساكتة تماماً كالميتة، ما نطقتش بحرف واحد.
وقتها، مع عياط أمي اللي اتهدت تماماً وبقت مش قادرة حتى تزعق، قلبي اتقبض. ومديت إيدي بسرعة ورفعت النقاب من على وشها…
وهنا… كانت صدمة عمري… رجعت لورا خطوات بصدمة حقيقية وأنا مش مصدق اللي شايفاه عيوني!
أول ما شلت النقاب من على وشها، حسيت إن قلبي وقف مكانه، ورجعت لورا وأنا بقول بعدم تصديق: “إنتي؟! إنتي إزاي؟! إنتي مين بالظبط؟!”.
البنت اللي كانت تحت النقاب كانت أقرب صديقة لسعاد خطيبتي الأولى، واتفاجأت لأنها ما كانتش متسولة أبدا، إيه وصلها للحالة دي؟!
