أخذ عيسى صبا ورجعوا تاني على الصعيد بعد ما خلصوا فرح فريدة. وفضلت صبا فترة مش كبيرة مع أهلها وأولادها، وبعدها رجعوا. وكانت زعلانة إنها سايبة أولادها للمرة الثانية، لكن عيسى كان بيحاول يراضيها ويطمنها بشكل غير مباشر.
ولما رجعت صبا للصعيد كانت مرتاحة ومطمنة إن عيسى بيعمل المستحيل عشان يفرح أولادها، وده كان واضح جدًا أثناء وجودهم هناك. ونتج عن ده إن الأولاد اتعلقوا بيه جدًا، لدرجة إنهم بدأوا يقولوا له: “يا بابا”، وده شيء أسعد عيسى جدًا، وكمان أسعد صبا.
لكن لما رجعوا الصعيد، كانت سلمى بنت عم عيسى موجودة عندهم في البيت بحجة إنها جاية تغير جو، لكن كان في نيتها إنها لازم تبعد صبا وتمشيها بأي طريقة.
لكن صبا كانت بتتعامل معاها بحسن نية، ومش عارفة إيه اللي ممكن تعمله فيها.
وأثناء وجود سلمى في جنينة المنزل، جات رقية، سلفة صفا، بحجة إنها جاية تسلم عليهم وهتروح.
رقية: قولي لي يا سلمى، إيه اللي مخليكي مهملة دارك وجوزك وجاية هنا؟ أكيد في حاجة ناوية عليها، وبلاش تقولي إنك جاية تغيري جو زي ما سمعت، لأن بصراحة الموضوع مش داخل دماغي، لأني عارفاكي وعارفة تفكيرك كويس.
ابتسمت سلمى وقالت:
سلمى: اللي بيعجبني فيكي يا بت يا رقية إنك دايمًا فهماني. هقول لك أنا جاية هنا، وكمان هعمل إيه، إني محتاجة مساعدتك.
رقية: أنا هساعدك إزاي يعني؟
سلمى: أنا الصراحة جاية عشان لازم أمشي وش الفقر اللي اتجوزها عيسى. لازم أعمل فكرة تخلي عيسى ينفصل عنها، ومش بس كده، يتجوزني كمان.
رقية: وأنا هستفيد إيه لما أساعدك في حاجة زي دي؟
سلمى: لما أتجوز عيسى، هخليه يجيبك تقعدي هنا تاني، إنتِ وجوزك، وتبعدي عن حماتك، وهخليه يمشي أمه كمان، ويبقى الدار دي ليا أنا وإنتِ وبس.
رقية: وإنتِ فكرك عيسى هيوافق يعمل كده؟
سلمى: لما أنفذ اللي في بالي، هيعمل أكتر من كده.
رقية: وإيه هو اللي في بالك؟
سلمى: أنا عارفة ومتأكدة إن البنت دي هي وعيسى مفيش توفيق ما بينهم، ده غير إنها متجوزاه غصب زي ما سمعت، فمش هترضى بأي وضع مش مناسب، وهتطلب الانفصال، وعيسى أكيد مش هيخلي واحدة مش عايزاه. ده غير إني هعمل حاجة تخلي عيسى يبعد عنها.
وبعدين هعمل خطوة ثانية بعدها على طول علشان عيسى يتجوزني، ويبقى زي الخاتم في صباعي.
رقية: آه، كانك طلعتي مش سهلة، ومش لازم الواحد يستهون بيكي. طيب أنا إيه دخلي في الموضوع ده؟
سلمى: إنتِ هتطلعي عند صفا في أوضتها كأنك جاية تسلمي على أولادها، ومن غير ما حد ياخد باله تطلعي للدور اللي فيه جناح عيسى، وتعملي اللي هقول لك عليه، وتنزلي تدخلي عند صفا ولا كأنك عملتي حاجة.
أنا معروف إني ما بطلعش عند حد منهم، فلما أجي أطلع النهارده هتبقى مكشوفة، والكل هيستغرب.
رقية بتوتر: طب افترضي إن عيسى أو البنت دي شافوني فوق، هقول لهم إيه؟
سلمى: اطمني، عيسى مش هنا، والبنت دي جوه قاعدة مع مرات خالي في المندرة. يعني محدش منهم هيشوفك.
رقية: ماشي، هاتي وربنا يستر.
سلمى: أهم حاجة تنفذي اللي اتفقنا عليه كويس.
رقية: ماشي، أنا قايمة عشان محدش ياخد باله من قعدتنا سوا.
سلمى: ماشي، وأنا هدخل عند مرات خالي عشان أشغلهم، ولو البنت دي حاولت تطلع فوق امنعيها بأي شكل لحد ما تنزلي، بس ما تتأخريش.
(زواج تحت التهديد — اللهم صل وسلم وزد وبارك على سيدنا محمد وعلى آله وصحبه أجمعين)
رقية: ماشي، ربنا يستر.
وفعلًا أخذت رقية الشيء الذي أعطته لها سلمى وطلعت فوق، بعد ما سألت على صفا وقالوا لها إنها فوق مع أولادها. وقدرت بمنتهى السهولة إنها تطلع عند غرفة عيسى وصبا، ونفذت اللي قالته سلمى بالحرف الواحد، وبعدها نزلت.
وأثناء نزولها كانت في الدور اللي فيه صفا، وصفا خدت بالها إنها نازلة على السلم.
صفا: وإنتِ كنتِ فين يا رقية؟ ومالك ماشية بتتسحبي كده ليه؟
رقية بتوتر: لا يا خيتي، كنت جاية أطمن عليكِ إنتِ والأولاد. ليكي فترة ما جيتيش عندنا، قلت أنا أجي وأسأل، بس افتكرت إني ناسية حاجة وكنت نازلة أجيبها.
صفا بشك: معلش يا خيتي، إنتِ عارفة إن اليومين دول بتوع امتحانات ولازم أكون جنب الأولاد أذاكر لهم. هم مش ولادك عندهم امتحانات برده؟
رقية: أيوه عندهم، بس يعني ما جاتش من ساعة ولا نص ساعة.
صفا: عندك حق. مرات عمي وجوزك وعيالك عاملين إيه؟
رقية: بخير والحمد لله، بس مرت عمك إنتِ عارفاها كويس.
صفا: ربنا يهديها ويديها الصحة.
رقية: أيوه، قولي لي عيالك عاملين إيه؟
صفا: بخير والحمد لله، والله مطلعين عيني في المذاكرة.
رقية: أيوه، من عيالي برده كده.
صفا: طيب تعالي ننزل نقعد مع أمي وأخواتي تحت.
رقية: بقول كده برده.
وأخذت صفا رقية ونزلت عند أمها، اللي كانت قاعدة مع صبا وكمان سلمى.
والغريب إن سلمى كانت بتتعامل بمنتهى الرقة المصطنعة مع صبا، وده كان مش مطمن صفا وورد وكمان وهيبة، اللي كانت عارفة ومتأكدة إن أكيد وراء هدوء سلمى ده مشكلة كبيرة بتخطط لها.
نظرت سلمى لرقية، فابتسمت لها رقية علشان تعرفها إن اللي طلبته منها تم وبدون مشاكل، لكن اللي سلمى ما تعرفوش إنها دخلت نفسها في مشكلة كبيرة من غير ما حد ياخد باله.
فضلوا قاعدين مع بعض يتكلموا ويتناقشوا في أمور كثيرة، وبعد ساعتين تقريبًا وصل عيسى، وكان على وشه غضب شديد.
والغريب إنه كان جاي في ميعاد غير ميعاده، وأول ما شافته وهيبة وصبا استغربوا جدًا وجوده في المكان على غير ميعاده.
وهيبة: جاي بدري عن ميعادك يا ولدي، خير؟ في حاجة؟
عيسى بغضب: هتعرفي دلوقتي يا أمي.
ثم نظر إلى رقية، التي توترت من نظراته الغاضبة، وهي مش عارفة إيه سبب نظراته دي.
عيسى لرقية: إنتِ إيه اللي طلعك فوق عند جناحي؟
نظرت له سلمى بخوف، واتوترت رقية جدًا.
رقية: وإيه اللي يطلعني فوق عند جناحك بس؟
عيسى بهدوء يسبق العاصفة: اسألي حالك. أنا اللي جاي بقول: إيه اللي طلعك فوق؟ كانت في حاجة ليكي فوق؟ وإيه اللي سمح لك إنك تفتحي باب الجناح؟
انصدمت رقية وسلمى من كلام عيسى، واستغربوا إزاي عرف كل ده وهو غير موجود في المنزل.
هل من أحد رآها وأخبره؟ لكن لا، لم يكن هناك أحد عندما صعدت رقية، وصبا كانت تجلس بجوار وهيبة وسلمى حتى تتأكد من وجودها. فكيف علم؟
وهيبة: وإيه بس اللي هيطلعها فوق عند جناحك يا ولدي؟ دي طلعت عند صفا أختك عشان تسلم عليها وتشوف عيالها.
رقية بتوتر: أيوه، صح، هو ده اللي حصل.
عيسى: كأنك مش عارفة إن جناح صفا غير جناحي. صفا في الجناح اللي تحت وأنا في الجناح اللي فوق. إزاي تطلعي فوق وإنتِ عارفة ومتأكدة إن ده جناحي؟
صبا: إيه اللي بيحصل؟ وهي هتطلع فوق ليه؟ وحتى لو طلعت أكيد كانت متلخبطة وحصل خير.
عيسى وهو يحاول يتحكم في غضبه: ممكن تسكتي إنتِ دلوقتي عشان إنتِ مش عارفة حاجة؟
اتضايقت صبا من طريقة كلامه، وخصوصًا إنه كلمها بالشكل ده قدام كل الموجودين.
صفا: مين بس اللي قال إنها طلعت فوق؟ يمكن اللي شافها فهم غلط.
أخرج عيسى من شنطة كانت في يده جهازًا، وقام بتشغيل فيديو، ظهر فيه وجود رقية في دور جناح عيسى، وهي تتلفت حولها بتوتر وخوف من أن يراها أحد.
وبعد ذلك ظهرت وهي تخرج شيئًا صغيرًا وتضع منه أمام باب الغرفة، ثم تفتح باب الجناح وتضع الباقي في الداخل.
وهيبة: وإيه اللي أنا شايفاه ده؟ وإيه اللي كان معاكي وحطيتيه على الأرض وفي جناح ولدي؟ ومين اللي سمح لك تطلعي فوق؟
اتصدمت سلمى، وحست إن أمرها على وشك الانكشاف، وصفا كانت مصدومة مما رأته، وصبا لم تستوعب حتى الآن ما يحدث، وما هذا الشيء، وماذا كانت رقية تريد أن تفعل.
عيسى: أنا كنت عرفتكم يا أمي قبل كده إني هحط كاميرات مراقبة في الدور بتاعي من بره، من وقت ما حصلت مشكلة السرقة قبل كده. وكمان أكدت عليكم إن محدش يعرف إني حاطط الكاميرات دي.
وكنت بعمل كشف يومي عليها عشان أشوف مين طلع جناحي ومين لا. لكن بعد كده نسيت الموضوع، لأن الأمر كان طبيعي ومحدش كان بيطلع فوق، وما بقيتش أشوف أو أراجع الكاميرات.
وبالصدفة النهارده كنت المفروض يبقى معايا ملف بتاع شغل، وكنت ناسي أنا خدته معايا ولا ما أخدتوش، فقلت أفتح وأراجع فيديو الكاميرات أشوف أنا خارج في إيدي ملفات ولا لا.
وأنا بفتح الكاميرا شفت اللي حصل، وجيت عشان أعرف هي إيه اللي طلعت فوق، وإيه اللي كان في الحاجة اللي معاها وحطتها عند باب الغرفة.
رقية وهي تنظر إلى سلمى برعب: دول كانوا شوية ميه.
صفا: ميه؟ وبترشيها ليه على باب الأوضة؟
وهيبة: يا مصيبتي! كانت بتحاول تأذي ولدي ومرته، وجاية تحط الحاجة دي قدام الأوضة وجواها كمان؟
صبا بصدمة: إيه؟ بتقولوا إيه؟
ورد بعصبية: إنتِ إيه اللي جابك هنا تاني؟ ما كنتِ تبعدي من هنا، ولا إنتِ ما بيجيش من وراكي غير المشاكل والنكد؟
عيسى: أنا هعتبر إني ما شفتش حاجة، ومش هعمل أي إجراء قانوني ضدك. اللي هعمله إني أقول لك: ما تعتبيش الدار دي، لا في الخير ولا في الشر، وده آخر إنذار ليكي.
وهبلغ جوزك باللي حصل، لكن لو عايزة تشوفي مين هو عيسى الجبالي، يبقى ده اختيارك إنتِ، وده آخر كلام عندي. اطلعي من هنا.
قالها عيسى بصوت اهتزت بسببه أرجاء المنزل.
ثم صرخت وهيبة بعده:
وهيبة: إنتِ يا هنادي! يا هنادي!
هنادي وهي تهرول: نعم يا ست الحاجة؟ في حاجة؟
وهيبة: خدي جردل ميه ومنظفات واطلعي فوق على جناح سيدك عيسى، وأنا جاية وراكي. نظفي كويس المكان كله، وخليكي حريصة إن كل حاجة تتنظف وتتطهر، وبعد كده رتبي الجناح من جديد.
هنادي: فاهمه يا ست الحاجة، حاضر.
وهيبة: صبا، خليكي هنا يا بنتي مع ورد وصفا لحد ما أنظف الأوضة وأطمن إن كل حاجة تمام.
ثم صعدت كي تشرف على هذا بنفسها.
عيسى: أنا راجع الشغل، لازم أخلص، لأني عندي اجتماع مهم بعد ساعة. عاوزة حاجة من بره يا صبا؟
صبا بابتسامة خفيفة: لا، شكرًا، عاوزة سلامتك.
عيسى: تسلمي.
ثم تركهم وغادر إلى عمله.
وجلست صبا وصفا وورد وجميلة، وهم غير مصدقين ما حدث، ومش فاهمين إيه مصلحة رقية في فعل هذا التصرف.
وكانت تجلس بجوارهم سلمى، التي استأذنت كي تدخل غرفتها وترتاح، لأنها قالت إن أصابها صداع شديد بعد ما سمعته.
لكن كان هذا مجرد عذر كي تهرب من أمامهم حتى لا يلاحظوا توترها، فهي كانت متوترة للغاية، وحمدت ربها أن أمرها لم يُكتشف.
(زواج تحت التهديد بقلمي إسراء محمود — اللهم إني أستغفرك وأتوب إليك)
وعندما دخلت سلمى إلى الغرفة، وجدت رقم رقية يرن عليها، ففتحت الخط بسرعة.
رقية بصوت عالٍ وعصبية: عاجبك كده؟ أهو الموضوع انكشف قبل حتى ما يبدأ، وجات فيا ومنعوني من دخول الدار. إنتِ لو ما تصرفتيش، أنا هكشف سرك وهقول عليكِ.
سلمى بصوت منخفض: اهدي. أنا هتصرف. هحاول أفكر في حاجة ثانية وأخلص بس من البت، وبعد كده هرجعك هنا تاني.
رقية: وأنا أضمن منين بقى؟ أنا عاوزة حقي.
سلمى: حق؟ وحقك ده هيكون إيه إن شاء الله؟
رقية بطمع: تحضريني 30 ألف جنيه عشان أخدهم، وإلا هعرف الكل إن إنتِ اللي طلبتي مني أعمل كده.
سلمى: 30 ألف جنيه مرة واحدة؟ طيب ماشي، هقابلك بالليل علشان أديهملك.
رقية: لا، إنتِ تيجي هنا وتجيبيهم معاكي، وأنا هعرف إزاي أخدهم منك.
سلمى: ماشي وماله.
ثم أغلقت الخط معها وهي غاضبة. من هي حتى تهددها؟ لكنها قررت أن تتخلص من صبا وبعدها تتخلص من رقية.
وبدأت تفكر في شيء آخر كي تبعد صبا نهائيًا، بعيدًا عن أي كاميرات وأي شهود.
أما وهيبة، فعلًا خلصت غرفة عيسى بعد ما تخلصت من أغلب الأثاث الموجود فيها، وكلمت مهران وعرفته بكل اللي حصل، وطلبت منه يبعت أثاث جديد لغرفة عيسى بالكامل، لأنها لم تعد مرتاحة للأثاث الموجود.
وبالفعل، ما هي إلا ساعة وكان الأثاث الجديد موجودًا في المنزل، وتم التخلص من الأثاث القديم واستبداله بالكامل.
بالإضافة إلى أنها طلبت من الخدم أن يأخذوا كل الملابس ويقوموا بغسلها جيدًا وتجفيفها في الشمس، حتى تطمئن أن كل شيء أصبح نظيفًا.
وصعدت هي بنفسها مع الخدم وهم يقومون بترتيب الغرفة من أول وجديد.
صعدت صبا برفقة ورد إلى غرفتها كي ترى ماذا يفعلون.
صبا بانبهار: إيه ده؟ فين أثاث الغرفة؟ الغرفة اتبدلت تمامًا. ده مش السرير، ولا ده الدولاب، ولا ده الفرش، حتى السجاد مش هو.
وهيبة: معلش يا بنتي، أنا خفت الصراحة يكون في حاجة من الموجود اتأثرت باللي حصل، فحبيت أتخلص منه كله علشان نكون في أمان، وربنا يستر. كمان هدومكم كلها أمرت الخدم يغسلوها وينشروها في الشمس عشان تبقى نظيفة.
صبا: حبيبتي يا ماما، بس ما كانش في داعي لكل ده.
وهيبة: ربنا يستر يا بنتي ويكفينا شر الناس السوء اللي عاوزين يأذونا بأي طريقة.
صبا: يا رب. طيب أعمل إيه دلوقتي؟ أنا محتاجة أغير هدومي.
ورد: تعالي غيري عندي. مش بتقولي في هدوم مقفولة لسه في الشنط؟
صبا: آه، بس ما استخدمتهاش قبل كده.
ورد: خلاص طلعي حاجة منهم وتعالي خدي شاور وغيري عندي.
وهيبة: روحي معاها يا بنتي على ما يكون جوزك جه ونتغدى، هيكون الأوضة اتظبطت وكل حاجة تمام، وتكون الهدوم نشفت كمان.
صبا: تمام.
وفعلًا صبا راحت مع ورد وغيرت هدومها هناك، ونزلت تستنى عيسى والجميع.
ثم اقترحت على ورد اقتراحًا جميلًا.
صبا: بقول لك إيه يا ورد، إيه رأيك أنادي على جميلة وكمان صفا، وندخل إحنا الأربعة المطبخ ونحضر الغداء، ويكون غداء جديد وعصري؟
ورد: والله فكرة حلوة، بس هنعمل إيه؟
صبا: إيه رأيك نعمل بيتزا؟
ورد بتشجيع: فكرة جميلة جدًا، بس أبوي وأمي ممكن ما تعجبهمش، لأنهم متعودين على الأكل البلدي بتاعنا.
صبا: عادي، إحنا هنعمل حسابهم معانا، وكمان هنعمل لهم أكلة بيحبوها جنب البيتزا. لو البيتزا ما عجبتهمش، خلاص ياكلوا الثانية.
صبا بفرحة: وهو كذلك. هروح أنادي صفا وجميلة.
وفعلًا راحت، وبعد دقائق كانت جاية هي وجميلة وصفا، اللي فرحوا جدًا وشجعوا الفكرة.
ودخلوا هم الأربعة المطبخ يبدعوا، وصبا هي اللي كانت بترشدهم في عمل مكونات البيتزا، وأغلب التحضير كانت بتعمله بنفسها وهم بيساعدوها.
ولما جه وقت الغداء، كان مهران ويونس وعيسى جم من الشغل وقاعدين في غرفة الطعام وهم منتظرين، بعد ما استقبلتهم وهيبة بالترحاب وعرفتهم إن النهارده الغداء بإشراف صبا.
فرح عيسى جدًا إن صبا بدأت تتفاعل معاهم، وكمان بدأت تبقى طبيعية، لكن كان خايف ومتوتر من اللي حصل قبل شوية، وكان عارف إن أكيد دي البداية ولسه في حاجات كثيرة هتحصل.
وبعد دقائق كانت صبا وصفا وورد وجميلة بيدخلوا الطعام على السفرة بمساعدة البنات اللي في البيت.
صبا بفرحة: السلام عليكم.
الجميع: وعليكم السلام ورحمة الله وبركاته.
صبا: حمد لله على سلامتك يا بابا، وحمد لله على سلامتكم جميعًا. يلا اتفضلوا، الغداء جاهز.
مهران بفرحة: الله يسلمك يا بنتي. أنا عرفت إن إنتِ اللي حضرتي الغداء النهارده. بصراحة متشوق جدًا أشوف أكلك، وكنت عاوز أطلب منك من زمان، من ساعة ما أكلت أكلك وقت عزومة بيتكم، بس كنت بقول أصبر عليها شوية.
صبا: أنا تحت أمرك يا بابا، واللي إنت عاوزه اطلبه بس وأنا هنفذه على طول.
مهران: ربنا يبارك فيك يا بنتي.
عيسى حس بفرحة بصبا وبتغيرها، وإنها بدأت تتعود على وجودها هنا، وده كان مريحه جدًا.
ولما دخلوا جميعًا وشافوا البيتزا، استغرب مهران وهيبة، لكن يونس وعيسى كانوا عارفين إيه دي.
وهيبة: وإيه ده يا بنات؟
صبا بابتسامة: دي بيتزا يا ماما. هتعجبك قوي، جربيها ولو ما عجبتكيش أنا عاملة لك الأكلة الحلوة دي.
وهيبة: أيوه كده، طاجن بامية باللحمة ومعاه رز معمر، هو ده الوكل بتاعنا.
صبا: بس لازم تذوقي البيتزا الأول إنتِ وبابا وتقولوا لي رأيكم.
سلمى بنرفزة: وإنتِ هتوكلينا على كيفك إياك؟
اتضايقت صبا جدًا من كلامها.
(زواج تحت التهديد بقلمي إسراء محمود — لا حول ولا قوة إلا بالله العلي العظيم)
عيسى: لو مش عاجبك الأكل، تقدري تقومي تعملي حاجة لنفسك.
ورد: وأنا من رأي أخوي برده. إحنا عملنا اللي عاوزين ناكله، لو مش عاجبك قومي اعملي لنفسك.
اتضايقت سلمى من تعليق عيسى وكمان ورد، وشعرت بالإحراج.
مهران: تسلم إيدك يا بنتي، هناكل وهنقول رأينا بكل صراحة.
اتبسطت صبا جدًا، وبدأت تبص لهم وهي مستنية رأيهم.
والكل بدأ ياكل من البيتزا، اللي عجبتهم جدًا. طعمها وقوامها وريحتها خلت الجميع يستمتعوا بها، وفي النهاية أكلوا منها كلها.
وهيبة: حلوة قوي الحاجة دي اللي قلتي عليها يا بنتي، سلمت إيدك.
مهران: فعلًا حلوة قوي، عجبتني جدًا. لازم تبقي تعمليها تاني.
صبا بفرحة: بالهنا والشفا، حاضر من عيني. ما قلتش رأيك يا دكتور؟
يونس: تسلم إيديكم، فعلًا تحفة زي بتاعة بره وأحسن.
صبا: بالهنا والشفا.
ورد: وإنت يا عيسى؟ يعني ما حدش سمع صوتك. إياك تكون البيتزا مش عاجباك؟
عيسى: مين قال لك ده؟ ما شاء الله، جميلة جدًا. تسلم إيديك يا أم ساهر، وعايزك على طول تعملي لنا من إيدك.
فرحت صبا بتعليق عيسى وقالت:
صبا: طبعًا إن شاء الله.
مهران: يبقى كده الوكل هيكون من إيدك إنتِ وباقي البنات، بلاش تخلي الخدم هم اللي يعملوه.
صبا بفرحة: حاضر يا بابا.
ولما خلصوا الأكل، قال مهران:
مهران: بقول لك يا صبا يا بنتي.
صبا: خير يا بابا؟ في حاجة؟
مهران: كنت طمعان في كوباية قهوة من إيدك الحلوة.
صبا بابتسامة: يا سلام، بس كده؟ من عيني الاثنين. طيب حد محتاج يشرب حاجة ثانية؟
وهيبة: يبقى تقفي إنتِ وورد وتعملوا لنا قهوة وشاي للي عاوز.
صبا: تمام. تشرب إيه يا دكتور يونس؟
جميلة: قهوة مظبوطة.
ضحك الجميع عليها، وغمزت لها صبا.
صبا: خلاص كده عرفنا الدكتور بيحب إيه.
ثم نظرت إلى عيسى وقالت:
صبا: وإنت يا عيسى تشرب إيه؟
سرح عيسى في اسمها، وكل ما يسمعه من صوت صبا كان بيحس إن صوتها بقى له معنى جديد عنده، ما كانش موجود قبل كده.
صفا وهي تنادي على عيسى:
صفا: عيسى؟ في إيه؟
عيسى: ها؟ في حاجة يا صفا؟
البارت التاسع عشر
