عادت صبا مع عيسى إلى المنزل بعد بقائها في المستشفى لمدة شهر كامل. كانت غائبة عن العالم والناس، تعيش في عالم خاص بها، وكان عيسى بلا روح ولا كيان يعيش معها في تلك المستشفى، ولا يرضى بالعودة إلى المنزل إلا ومعه صبا.
كان الجميع معتقدًا أنها لن تعود مرة أخرى، ولكن شاء القدر أن تعود إليهم من جديد، وتعطي لعيسى الروح التي فارقته بغيابها.
كان الجميع قلقًا عليها وعلى حياتها، وكانت سلمى طوال تلك الفترة محتجزة في مكان بعيد، وكان عيسى قد اتخذ إجراءات صارمة بحقها حتى تدرك خطورة ما فعلته، وظلت على هذا الحال حتى تعافت صبا وعادت إلى المنزل مرة أخرى.
في اليوم الذي خرجت فيه صبا من المستشفى، كان الجميع في المنزل يعمل على قدم وساق.
فزوجة الكبير التي غابت عن المنزل وعن الوعي لمدة شهر، هي وكبيرهم، قد عادت مرة أخرى، فكانت وهيبة تشرف بنفسها هي وبناتها وزوجة ابنها يونس على ترتيب الطعام وتنظيف المنزل حتى يستقبلوا صبا بكل حب وترحاب.
وكان هذا أمام هدى وفضل، اللذين فرحا جدًا بسبب حب هؤلاء الناس الواضح لابنتهم.
وهيبة بصوت عالٍ: خلصي يا بنت إنتِ وهي. عايزة كل حاجة بتحبها أم ساهر وولدي تكون جاهزة، مش عاوزة حاجة تكون ناقصة خالص.
الخادمة: أمرك يا ست الحاجة، كل حاجة زي ما أمرتي.
وهيبة: وإنتِ يا أم صبا، عايزاكي يا خيتي تطلعي تشرفي على الأوضة بتاعة بنتك وتشوفي لو ناقصها حاجة عرفيني بسرعة.
هدى بابتسامة: هو إنتِ سايبة حاجة ما عملتيهاش؟ ربنا يبارك فيك يا حبيبتي. دي مفيش حاجة صبا بتحبها إلا وعملتيها إنتِ فعلًا، ونِعم الأم.
وهيبة وهي تحتضنها: هي بنتي فعلًا، وربنا اللي يعلم.
هدى: ربنا يبارك فيك يا حبيبتي ويبارك في صحتك ويخليك ليهم.
وهيبة: اللهم آمين يا حبيبتي.
هدى: أنا كنت عايزة أروح أطمن عليها النهارده وأجي معاهم عشان أشوفها لو محتاجة حاجة، بس عيسى رفض وقال: خليكوا هنا وأنا هجيبها وهاجي.
(زواج تحت التهديد بقلمي إسراء محمود — لا إله إلا الله وحده لا شريك له، له الملك وله الحمد، يحيي ويميت وهو على كل شيء قدير، لا إله إلا أنت سبحانك إني كنت من الظالمين)
وهيبة: على إيه الروحة والجايه طالما طالعين يا حبيبتي؟ ما تتعبيش حالك. وبعدين أي حاجة هي هتحتاجها، جوزها وياها هيعملها لها.
هدى بابتسامة: ربنا يبارك فيهم ويهديهم لبعض.
وهيبة: اللهم آمين يا حبيبتي.
أما عند عيسى، فبعدما اطمأنت الطبيبة على صبا وقالت لها تستعد للخروج، قالت:
الطبيبة: إنتِ كده تمام والحمد لله يا مدام صبا. تقدري تروحي. أنا كتبت لك خلاص على خروج، بس أهم حاجة تكون في رعاية صحية كويسة، ونهتم بالأكل بتاعنا كويس جدًا، وناخد الأدوية في مواعيدها.
وكمان يا ريت تكون في راحة تامة اليومين الجايين دول لحد ما الأوضاع تستقر. وألف حمد لله على سلامة حضرتك.
عيسى: الله يسلمك يا دكتورة، إن شاء الله كله هيكون تمام.
صبا بابتسامة: الله يسلم حضرتك يا دكتورة، شكرًا ليكي.
الطبيبة بابتسامة: لا شكر على واجب، ده شغلي. عن إذنكم. تحبي أبعت لك ممرضة تساعدك؟
صبا: يا…
ولكن لم تكمل جملتها، وقاطعها عيسى.
عيسى: شكرًا جدًا ليكي، أنا معاها.
الطبيبة بابتسامة: تمام، عن إذنكم.
خرجت الطبيبة وأغلقت الباب خلفها.
صبا بنرفزة خفيفة: طيب ما كنت خليت الممرضة تيجي علشان تساعدني وأنا بقى ألبس هدومي، لأني بدوخ. لازم تقطع كلامي؟ كنت استنيت لما كملت للآخر.
عيسى: طيب ما أنا موجود وياكي، هتحتاجي الممرضة في إيه؟
صبا: بقول لك هغير هدومي، هتساعدني إزاي يعني؟
عيسى: وأنا جوزك، ومش هسيبك تتعبي. وبعدين دي أول مرة أساعدك.
صبا بكسوف ونرفزة: وبعدين معاك؟ إنت بقيت بتقول كلام غريب ليه؟ هو أنا اللي كنت في غيبوبة ولا إنت؟ ولا إنت اللي أفكارك اتغيرت؟
عيسى وهو يقترب منها: تقدري تقولي إنك لما دخلتي الغيبوبة، أنا خرجت من الغيبوبة بتاعتي وعرفت حاجات كثيرة.
وبعدين أنا لازم أعودك إنك تعتمدي عليّ أنا في كل احتياجاتك، ومش لازم تتعبي نفسك أو تطلبي المساعدة من حد طالما أنا موجود.
صبا بنرفزة وضيق: يا سلام؟ وإيه اللي ناوي تعمله لو ما سمعتش كلامك؟
عيسى: نخلي الكلام ده لوقته.
ثم ابتسم لها.
صبا وهي تحاول تغير مجرى الحديث: طيب ممكن تخرج بقى؟
عيسى: ومين اللي هيساعدك وإنتِ بتغيري هدومك؟
صبا: أنا هساعد نفسي، مش محتاجة حد يساعدني. لسه ما بقيتش عاجزة.
عيسى: مش إنتِ كنتِ بتقولي عايزة الممرضة تساعدك؟
صبا: غيرت رأيي. مش محتاجة حد يساعدني. لو سمحت اخرج بقى.
عيسى: طيب ماشي، هطلع. بس لو احتجتي حاجة نادي عليّ فورًا. أنا أصلًا مش هبعد عن باب الأوضة لحد ما تقولي يا عيسى.
صبا: تمام.
خرج عيسى وأغلق الباب خلفه.
نفخت صبا خديها بطريقة طفولية وقالت لنفسها:
صبا: وبعدين معاه بقى؟ بقى بيوترني جدًا ومش عارفة أتعامل معاه. وبعدين معاك يا عيسى؟ شكلك كده هتجنني معاك.
وفي هذه اللحظة فتح الباب وهو ينظر من خلفه.
عيسى بابتسامة: بتنادي عليا يا حبيبتي؟
اندهشت صبا من فعلته، ثم نفخت خديها مرة أخرى بطريقة طفولية.
صبا: وبعدين معاك؟ اخرج بقى.
(زواج تحت التهديد بقلمي إسراء محمود — اللهم صل وسلم وزد وبارك على أشرف الخلق وسيدهم وحبيب الله سيدنا محمد صلى الله عليه وسلم وعلى آله وصحبه أجمعين)
عيسى وهو يبتسم لها: ماشي هخرج، بس إنتِ اللي هتتعبي لو حاولتي تعملي كل حاجة لوحدك.
صبا: وبعدين معاك بقى؟
عيسى: خلاص ماشي، ما تتعبيش نفسك.
خرج عيسى.
وقامت صبا بمحاولة تغيير ملابسها بصعوبة شديدة، ولكنها فشلت، فكلما قامت من مكانها شعرت بدوخة بسيطة وألم في جسدها، وهذا بسبب بقائها في السرير لمدة شهر وأكثر.
وكانت تتألم بصوت مسموع إلى حد ما.
دخل عيسى في هذه اللحظة، وأغلق الباب وراءه جيدًا.
صبا بصدمة: إنت دخلت ليه؟ أنا ما ندهتش عليك. من فضلك اخرج بره، عايزة أكمل لوحدي.
عيسى وهو يحاول إنهاء النقاش: مش عايز أسمع كلام كثير. أنا هساعدك تغيري هدومك وانتهينا. لو قعدنا لحد بكرة تناقشيني، هنفضل مكاننا.
صبا: وبعدين معاك؟ أنا حاسة إني بتعامل مع حد أكبر مني بكتير وعايز يفرض رأيه عليّ.
عيسى: اعتبريني الشخص اللي مسؤول عنك، ومش هسيبك تتعبي نفسك.
اضطرت صبا تحت ضغط الموقف أن تجعله يساعدها، وقام عيسى بمساعدتها في تبديل ملابسها، وسط كسوفها وخجلها الدائم منه.
انتهى من مساعدتها، ووضع أشياءها في الحقيبة الموجودة معهم، ثم جهزها للخروج، وبعد ذلك أمسك الهاتف وتحدث مع شخص وقال له:
عيسى: ادخل.
بعد دقائق سمعوا طرقًا على الباب، ودخل أحد أفراد حرس عيسى.
عيسى: خد الشنط دي ووديها على العربية وجهزها علشان طالع أنا والمدام.
الحارس: أمرك يا كبير.
ثم حمل الحارس الحقائب وخرج بها.
واقترب عيسى من صبا التي كانت تحاول الوقوف.
عيسى: بتعملي إيه؟
صبا: بقف علشان هنمشي.
اقترب منها عيسى بسرعة، ثم حملها.
صبا: إنت بتعمل إيه؟ نزلني، أنا هقدر أمشي. إنت بس اسندني جنبك.
عيسى: مش عايز أسمع كلام كثير. أنا مش هنزلك غير في العربية، وكمان من العربية مش هنزلك غير على السرير.
توترت صبا من كلامه، فاضطرت إلى الصمت وعدم الكلام.
حملها عيسى وخرج بها وسط نظرات الأطباء والممرضات، ثم وضعها في السيارة من الخلف، وركب بجوارها من الناحية الأخرى.
وتحركت بهم السيارات متجهة إلى سرايا عائلة الجبال، التي كانت مزينة استقبالًا بالكبير وزوجته التي عادت إلى بيتها من جديد.
دخلوا من باب السرايا، لترى صبا مدى الزينة والأنوار الموجودة بالمنزل.
صبا باستغراب: إيه ده؟ هو في حد هيتجوز النهارده ولا إيه؟
عيسى مندهشًا: هيتجوز ليه بتقولي كده؟
صبا: يعني علشان الزينة والأنوار دي كلها.
عيسى مبتسمًا: لا، دي زينة استقبال مرات الكبير.
صبا باندهاش: مين هي مرات الكبير؟ ومين هو الكبير؟
عيسى: وإنتِ ما تعرفيش مين الكبير ومين مرته؟
صبا بصراحة: لا.
(استغفروا يا جماعة بنية تفريج الهم)
عيسى: أنا الكبير وإنتِ مرته.
اندهشت صبا من قول عيسى.
صبا: ده فعلًا؟
عيسى: أيوه فعلًا. ويلا بقى يا مرت الكبير علشان تدخلي جوه.
نزل عيسى من السيارة عندما توقفت عند بوابة المنزل، وفتح الباب وقام بحمل صبا، التي حاولت أن تعترض، ولكنه لم يبالِ بذلك.
وجدت أن الجميع يقف باستقبالها، وجميعهم مبتسمون وفرحانين، وكان ذلك سبب انبساط صبا وفرحتها، بالإضافة إلى وجود أولادها وأبيها وأمها وأخيها، وهذا أسعدها كثيرًا.
أجلسها عيسى على أريكة في وسط المنزل، وسلم عليها الجميع، ابتداءً من والده ووالدته وأمها وأبيها، إلى جميع العاملين الموجودين في المنزل.
صبا بفرحة: أنا مش عارفة أقول إيه بجد. شكرًا ليكم كلكم.
صفا: بتشكرين على إيه يا خيتي؟ إنتِ جيتي بالسلامة لينا بعد غياب، وده كان لازم يبقى أقل حاجة عشان نستقبلك بيها. فعلًا البيت كان وحش من غيرك قوي، وإحنا اتعودنا عليك وعلى لمتنا مع بعض.
عايزاكي بقى تقومي بسرعة وتخفي كده علشان نرجع نعمل سهراتنا مع بعضينا، وكمان نخطط للناس اللي كانوا عايزين يخوفونا.
صبا بابتسامة: فعلًا عندك حق حبيبتي يا صفا. أقف على حالي بس وهنعمل خطة كويسة.
يونس: اعتبر ده يعني بمثابة إعلان حرب.
عيسى: وبعدين معاك يا يونس؟ عايز تعلن حرب على مراتي؟
يونس باندهاش: مش هي اللي أعلنت الحرب علينا؟ هي وخايتك، وأكيد بقيت الجروب معاها.
عيسى: هي تقوم بس بالسلامة، وأي حاجة هتعملها هكون معاها فيها.
ابتسم الجميع عليهم.
يونس: وإنت كده بقيت عضو منافس.
عيسى: حاجة كيفك دي؟
يونس: لا كده خلاص، إحنا استسلمنا ورفعنا الراية البيضاء. ما نقدرش نقف قدام مرت الكبير، لأنك واقف معاها. كده مفيش حد فينا هيقدر عليها.
ضحك الجميع على مزاح يونس.
هدى: ربنا يبارك فيكم يا أولاد. فعلًا إنتوا خير الأهل. أنا كنت متوترة قوي على صبا، بس بعد ما شفت حبكم ليها بقيت مطمنة جدًا، وهبقى أمشي من هنا وأنا مرتاحة.
وردة: تمشي فين بس يا خاله هدى؟ إنتِ لازم تقعدي معانا كام شهر كده. إحنا اتعودنا عليك ومش عاوزينك تسيبينا.
هدى: يا نهار أبيض! طيب مدرسة حاتم وشغل عمك فضل لازم نروح. اعذروني، بس هبقى أجي زيارات كثيرة، وكمان إنتوا لازم تيجوا زيارات عندي.
وهيبة: إن شاء الله يا حبيبتي، بس خلينا في اليومين اللي إحنا قاعدين مع بعض فيهم دلوقتي.
عيسى: طيب عن إذنكم، هطلع صبا فوق في أوضتها علشان ترتاح.
وهيبة: مش هتستنى لما تاكل يا ولدي؟
عيسى: معلش يا أمي، خليهم يجهزوا لها الأكل في الأوضة، لأنها بتدوخ من القعدة الطويلة لحد ما تتحسن.
وهيبة: ماشي يا ولدي، على خير إن شاء الله. ربنا يتم شفاكي يا بنتي.
صبا: حبيبتي يا ماما.
حملها عيسى وسط كسوف صبا وخجلها من جميع الموجودين، وفرحة الجميع بقرب عيسى وصبا من بعض.
صعد بها إلى غرفتها وأغلق الباب وراءهما.
وقام بمساعدتها مرة أخرى في تجهيز ملابسها، وجهز لها حمامًا دافئًا يريح الأعصاب، ووضع لها مستحضرات مناسبة للاسترخاء، وساعدها حتى أصبحت جاهزة للراحة.
عيسى: ارتاحي كويس، ولما تخلصي نادي عليّ علشان أساعدك تخرجي.
هزت صبا رأسها بكسوف وخجل.
جلست صبا فترة بسيطة، ثم قامت وحاولت أن تعتمد على نفسها، وجففت شعرها وارتدت ملابس مريحة.
ثم قامت بالنداء على عيسى، وحاولت أن تقوم كي تخرج، لكنها أحست بدوار شديد كاد أن يجعلها تفقد توازنها.
صبا: عيسى، ممكن تدخل؟ أنا خلصت.
فتح عيسى باب الغرفة ودخل، وساعدها حتى جلست بأمان، ثم ساعدها في ارتداء ملابس مريحة، وأجلسها على السرير ودثرها جيدًا.
وبعد ذلك…
رفعت صبا رأسها، ولم تسمح لسلمى أن تستمر في الاعتذار وهي في حالة انكسار.
صبا: اطمني، محدش هيعمل لك حاجة. بس طبعًا ده بعد إذن بابا وعيسى. بس اللي أنا عايزة أعرفه: إنتِ عملتِ كده ليه؟
سلمى: غباء، وغيرة عمياء، وحقد وشر. ربنا يكفيك شر كل ده لما يتجمع جوه إنسان.
لكن الدرس اللي علمنيه عيسى في الأيام اللي فاتت خلاني أفوق وأعرف أنا فين ومين.
هو ما جاش ناحيتي ولا أذاني، لكنه خلاني أفهم نتيجة اللي عملته.
أرجوك خليهم يبعدوا عني، وأنا مش هتكرر مني الغلطة دي، ومش هتشوفي وشي تاني.
نظرت صبا إلى عيسى بتوسل.
فهز رأسه إليها موافقًا.
ابتسمت صبا وقالت:
صبا: تقدري تروحي، ومحدش هيقرب منك تاني طول ما إنتِ مش هتأذي حد. بس المرة الجاية أوعدك إني مش هقدر أساعدك.
هزت سلمى رأسها عدة مرات بفرحة، فهي لم تكن تصدق أن يعفو عنها، خصوصًا صبا، التي توقعت أن تكون غاضبة منها بشدة.
وقامت وخرجت بعيدًا عنهم.
مهران لكبير الحرس: ابعت حد من الرجالة معاها يروحها لحد الدار ويرجع على طول من غير أي حوار مع أي حد.
كبير الحرس: أمرك يا كبير.
وانصرف لينفذ ما طلب منه.
صفا: قلبك طيب وأبيض يا مرت أخوي. حد تاني غيرك كان غضب عليها جدًا.
صبا: ليه يعني؟ كفاية عليها اللي حصل، وربنا هو اللي يحاسب كل إنسان على أفعاله.
ورد: عندك حق يا مرت أخوي، بس ده ما يمنعش إن قلبك أبيض ونقي.
جميلة: أي والله، تحسي إنك من جواكي نقيّة وجميلة ورقيقة وحنينة، وإحنا فعلًا ربنا بيحبنا إنه هدانا ليكي.
صبا: ربنا بيحبني أنا، علشان رزقني بأهل كويسين وحنينين زيكم.
وهيبة: ربنا يبارك فيك يا بنتي، وإن شاء الله ربنا يتم شفاك على خير، وعايزين في أسرع وقت يكون عندنا حفيد منك.
اتكسفت صبا جدًا، وما قدرتش تعلق، ولكن هزت رأسها.
في اللحظة دي عيسى بص عليها وابتسم على كسوفها الواضح.
ورد: وبعدين معاكي يا ماما؟ كسفتِ البنية.
عيسى: تعالي قومي ارتاحي، كفاية عليكِ كده النهارده.
وهيبة: أيوه يا بنتي، اطلعي ارتاحي. كفاية قعدة من بدري.
صبا: فعلًا حاسة إني محتاجة أرتاح.
وهيبة: خلاص اطلعي مع جوزك، عقبال ما يحضر الغداء، بس هنستناكي تنزلي تتغدي ويانا.
(زواج تحت التهديد بقلمي إسراء محمود — لا حول ولا قوة إلا بالله العلي العظيم)
صبا: أكيد يا ماما.
ثم قامت، وأخذها عيسى وصعدوا إلى الغرفة، ودخلتها وبدلت ملابسها وجلست على السرير.
عيسى: ارتاحي شوية وأنا هخرج. هروح عند محمد، في حاجات في الشغل لازم أبص عليها، وكمان هو عاوزني في موضوع.
صبا: تمام، ربنا يقويك.
عيسى: اللهم آمين. بس قولي لي، إنتِ عملتِ إيه في موضوع ورد اللي كنت حكيت لك عنه قبل ما نسافر ساعة فرح فريدة؟
محمد أكيد هيسألني عن الموضوع، وهو مش على بعضه من التأخير ده، وخليه قارفني وهيجنني.
صبا بابتسامة: أنا كلمت ورد وهي موافقة طبعًا بعد موافقة باباك وموافقتك. وشكلها كده يعني في قبول ومحبة كمان، بس البنت مكسوفة ومش مبينة أي حاجة.
عيسى بابتسامة: خلاص يبقى على بركة الله، وخير البر عاجله. هروح أبلغ ريقه، وكمان أكلم أبويا، وربنا يقدم اللي فيه الخير.
صبا: إن شاء الله.
عيسى: طيب أنا خارج. محتاجة حاجة من بره؟
صبا: شكرًا، سلامتك.
عيسى: بغض النظر عن شكرًا، بس ماشي. ارتاحي إنتِ لحد ما أروح وأجي، تمام؟ ولو احتجتي حاجة رني عليّ على طول، أو كلمي صفا أو ورد أو جميلة.
صبا: حاضر.
