الحلقة الأولى
في مجلس صلح بين عائلتين، وهما عائلة الصياد وعائلة الأزهري، اجتمع كبار البلاد وأعيانها محاولين الإصلاح بينهم وإعادة الأمور إلى ما كانت عليه.
كان حمزة الصياد يقف غاضبًا وقال:
“إنتوا لو حلفتوا على المية تجمد، مش هنصدق إنكم ملكمش علاقة بموت عمي. وإحنا والزمن طويل يا عيلة الأزهري. أنا سايبكم دلوقت بس عشان لسه ما اتأكدتش إذا كان ليكم علاقة بالموضوع ولا لأ.”
عماد الأزهري، شاب في أوائل الثلاثينيات، وكان صديق حمزة المقرب، وقف أمامه وقال:
“حمزة، خلينا نتكلم بالعقل شوية. إحنا إيه مصلحتنا في موت عمك؟ قولنا إيه المصلحة؟”
حمزة بسخرية:
“المصلحة إنكم تتخلصوا منه عشان السوق يفضى ليكم، لأنه كان مسيطر على السوق كله.”
عماد باستغراب:
“ده مش مبرر لأي حاجة يا حمزة، إنت متعصب ومش شايف الأمور صح.”
حمزة بعصبية، وهو يمسكه من ياقة جلبابه:
“احترم نفسك يا ولد الأزهري، وخليك عارف حدودك.”
عماد كان على وشك الرد، لكن حمدي الأزهري، والد عماد، صاح:
“عماااد خلاص!”
ثم نظر إلى كل من يجلس في المجلس وقال:
“أنا وولدي هنمشي من القعدة دي، لأننا ما اتقدرناش، وكلكم قاعدين تتفرجوا على الإهانة اللي حصلت لولدي وساكتين. أنا جيت وقدرت الناس الكبيرة اللي جات، بس أنا ما اتقدرتش يا مختار.”
نظر مختار إليه بسخرية، وهو يجلس على مقعده بهيبة:
“ولا عمرك هتتقدر يا حمدي، طول عمرك هتفضل كده.”
حمدي بغضب:
“يلا يا عماد.”
ومشى عماد خلف والده بكل احترام.
في منزل الصياد
كان جميع السيدات يتجمعن في المنزل، وكل واحدة منهن تقوم بعملها.
كانت رقية، زوجة حمزة، تجلس بتعب بجانب حماتها وقالت:
“آه يا بوي، ضهري تعب جدًا النهاردة.”
نظرت لها أمل بسخرية:
“ضهرك إيه يا عنية؟ مالك؟ ما تكونيش عندك خبر جديد وإحنا ما نعرفش.”
نظرت لها رقية بحزن:
“في إيه يا مرت عمي؟ لا، مفيش حاجة، بس أنا تعبانة من الصبح. صحيت بدري، لبست البنات للمدرسة وفطرتهم.”
أمل ببرود:
“وإيه يعني؟ ما الحريم كلها بتعمل كده. ولا تكوني فاكرة إنك بتعملي حاجة غيرهم؟”
ثم أضافت:
“وبعدين لو كان عندك ولد، كنتي هتعملي فينا إيه؟”
قالت منى:
“صحيح يا أمي، عرفتي إن سعاد بنت أمينة جابت ولد ثالث؟”
أمل بلهجة ساخرة:
“ما شاء الله، ما شاء الله، بتحب الأولاد زي أمها، أصل ده طبع بيتكرر.”
تجمعت الدموع في عيني رقية من حديثهم، لكنها حاولت ألا تظهرها، وقامت لتذهب إلى غرفتها، المكان الوحيد الذي تشعر فيه بالراحة.
أوقفتها أمل:
“على فين كده يا سنيورة؟”
وقفت رقية وهي تعطيها ظهرها حتى لا تشاهد دموعها:
“طالعة أوضتي أرتاح شوية قبل ما حمزة يرجع.”
أمل:
“والشغل اللي ورانا؟”
رقية بدموع:
“أنا خلصت كل اللي ورايا.”
منى:
“ما إحنا لسه هنعمل الأكل عشان جوزك وأبويا وإخواتي.”
ردت هاجر بضيق من والدتها:
“هعمل أنا معاكي يا منى، خلاص سبيها تطلع ترتاح شوية قبل ما حمزة والبنات يرجعوا من المدرسة.”
اقتربت منى من هاجر وقالت:
“ماشي يا حنينة إنتِ.”
في مكان آخر
بعد فض الجلسة، بقى مختار الصياد وأولاده فقط.
قال مختار بفخر:
“بس جدع يا ولدي، راجل من يومك، وقفت قدام بيت الأزهري بكل قوة.”
حمزة:
“تربيتك يا بوي. وصدقني يوم ما أتأكد إن ليهم علاقة بموت عمي، مش هسيب الموضوع يعدي. إنت عارف عمي كان غالي عليّ إزاي، كنت بعتبره زيك يا بوي. الله يرحمه.”
مختار:
“الله يرحمه يا ولدي.”
قال معتز:
“إيه يا بوي؟ ولا كأني قاعد، ماليش نصيب في الكلام الحلو ده؟”
مختار:
“كلكم ليكم في قلبي كل حاجة حلوة يا ولدي، وإنتوا عارفين ده كويس. إنتوا اللي ليا في الدنيا.”
انحنى معتز على يد والده:
“ربنا ما يحرمناش منك أبدًا يا بوي.”
تنهد مختار:
“الواد أدهم ده وحشني قوي.”
حمزة:
“ده بيقعد في مصر ويقول لي: عدولي مصر، بقت بلده مش هنا.”
مختار:
“نفسي يسيب الشغلانة دي وييجي هنا يمسك معاكم الشغل.”
حمزة باستغراب:
“عايزه يسيب الشرطة وييجي يمسك الشغل هنا إزاي يا بوي؟”
مختار:
“يعني هو هياخد كام من مرتبه؟ هديله أنا أكتر. وغير كده دي حاجتكم إنتوا، يعني كل حاجة بتاعتكم.”
حمزة:
“يا بوي، مش مسألة مرتب ولا فلوس. ده كيان هو حاسس نفسه في الشغل ده. إنت عارف أدهم حياته كلها في الشرطة.”
مختار بهمس:
“وشكلها هتقضي على راحتي أنا.”
ثم تنهد وقال:
“يلا يا ولاد نروح نتغدى.”
معتز:
“يلا يا بوي.”
في غرفة رقية
كانت عيناها متعبتين من كثرة البكاء، ودخلت عليها بناتها وجرين عليها بفرحة:
“ماما، وحشتينا!”
مسحت رقية دموعها سريعًا:
“حبايبي، حمد لله على السلامة.”
أيسل باستغراب:
“إنتِ بتبكي يا ماما؟”
رقية وهي تحاول إخفاء آثار البكاء:
“لا يا حبيبتي، عيني بس تعبت.”
بيري بطفولة:
“لا يا ماما، إنتِ بتبكي. بابا زعلك؟”
في الأسفل
وصل مختار وأولاده ودخلوا المنزل، وسلم الأبناء على والدتهم.
أمال وهي تربت على ظهورهم:
“ربنا يحميكم يا ولاد ويجعلكم دايمًا سند لأبوكم.”
معتز:
“ويخليكم لينا يا أمي.”
كان حمزة يبحث بعينيه في المنزل عن رقية، لكنه لم يجدها.
أمال:
“مالك يا ولدي؟ عينيك بتدور ليه كده؟ كأنك بتدور على حد.”
حمزة:
“مش لاقي رقية ولا البنات.”
أمال:
“رقية طالعة أوضتها من بدري. معرفش مالها من الصبح، وفي الآخر سابت إخواتك بيجهزوا الأكل وطلعت من غير كلام.”
حمزة:
“أنا هطلع أشوفها مالها.”
في غرفة رقية
كانت رقية قد بدلت لبناتها ملابسهم، ودخل عليهم حمزة.
جرت البنات عليه بلهفة:
“بااابا!”
حمزة بابتسامة وهو يقبلهن ويحتضنهن، ثم نظر إلى رقية التي ما إن رأته حتى بدأت تتظاهر بالانشغال:
“مالك يا عمري؟”
رقية:
“مالك يا حبيبي؟”
حمزة:
“من وقت ما دخلت الأوضة وإنتِ شكلك متغير، حتى ما بصيتيش ناحيتي. إيه اللي مزعلك؟”
عدلت رقية نفسها، وأمسكت وجهه بكفيها ونظرت في عينيه:
“طول ما إنت جنبي، عمر ما حاجة تزعلني. إنت الحياة يا حمزة.”
حمزة بحب:
“وإنتِ الهواء والحياة والدنيا كلها.”
رقية:
“ربنا يخليك ليا ولبناتك.”
حمزة:
“مش هتقوليلي برضو إيه اللي مزعلك؟”
رقية بدموع تخفيها:
“مفيش والله.”
حمزة:
“بصيت في عينيكي وشفت الدموع. حتى بعد اللي أمي قالتهولي تحت، ولسه بتخبي عليا. قولي مالك.”
رقية:
“ولا حياتي تساوى عندك.”
ثم قالت بحب:
“إنت عارف إني من غيرك ماليش قيمة.”
تنهدت وأضافت:
“مرت عمي يا حمزة…”
قاطعها حمزة:
“حديت أمي تاني؟ موضوع الولد صح؟”
ثم قال:
“استغفر الله. الموضوع ده مش هنتكلم فيه تاني. أنا لازم أفهمها إن البنات عندي بالدنيا وما فيها.”
حمزة بهدوء:
“حاضر يا عمري، مش هتكلم معاها عشان خاطرك. وكل حاجة بأمر ربنا.”
رقية:
“عملت إيه في القعدة بتاعة النهاردة؟”
حمزة:
“وبعدين بقى في الكلام الحلو ده اللي يخليني ما أنزلش أتغدى وأقعد معاكي شوية.”
رقية خجلت وضحكت:
“بس يا حمزة، مش وقته. أنا هنزل أحضر معاهم الأكل، عشان مرت عمي ما تتكلمش، وإنت غير هدومك وانزل.”
حمزة:
“بقى كده هتسيبي حبيبك وتنزلي؟”
ثم ابتسم وقال:
“دي رشوة صغيرة؟ طيب استني، أوريكي الرشوة اللي على أصولها.”
اقترب منها بحب، ثم ابتعد وهو يضحك.
رقية:
“حرام عليك يا حمزة، كنت هختنق من الضحك.”
حمزة:
“شفتي الرشاوي مش إنتِ؟”
رقية عدلت طرحتها:
“أنا نازلة يا مجنون.”
وأثناء خروجها أوقفها صوت حمزة:
“رقية، خدي هنا.”
التفتت باستغراب.
اقترب منها حمزة وقال:
“إيه الشعر اللي باين منك ده؟ قلتلك أكتر من مرة خدي بالك من لبسك.”
رقية:
“حاضر، متأسفة، ما خدتش بالي.”
في الأسفل
أمال بضيق:
“هي فين السنيورة؟ طلعت نامت ولا إيه؟”
أميرة:
“في إيه يا مرت عمي؟ واحدة جوزها جاي من بره، مش تشوفه؟”
أمال:
“اتحديتي صالح يا بت سعد؟ إنتِ هتعلي صوتك عليا؟”
أميرة:
“أنا ما عليتش صوتي، أنا بقولك اللي المفروض يحصل.”
أمال:
“إنتِ هتربيّني؟”
نزلت رقية على صوت أمال وهي ترفع صوتها على أميرة:
“في إيه؟”
أمال بعصبية:
“في إن أختك محتاجة تتعلم تتكلم إزاي.”
أميرة بدموع:
“أنا محتاجة أتعلم؟”
ظهر مختار على صوتهم:
“في إيه منكم ليها؟ صوتكم عالي ليه في الدار؟ من إمتى الحريم صوتها يعلى هنا؟”
أميرة بدموع:
“أنا يا عمي…”
مختار قاطعها:
“خلاص. ومش عايز أسمع صوت عالي تاني. يلا إنتِ وهي حضروا الأكل.”
رقية أخذت أختها:
“حاضر يا عمي.”
أمال بنرفزة:
“وبعدين بنت المصراوية دي هتفضل تعمل اللي هي عايزاه؟”
مختار:
“وبعدين يا أمال، هنرجع تاني للكلام ده؟ دول بنات أخويا، والمصراوية الله يرحمها خلاص.”
في المطبخ
دخل معتز على أميرة وهي تحضر الطعام مع رقية.
قال معتز:
“القمر ماله بيبكي ليه؟”
أميرة بضيق:
“بقولك إيه، سبني في حالي. مش ناقصة.”
معتز بعصبية:
“صوتك ما يعلاش عليا.”
أميرة بقوة:
“نجوم السماء أقربلك مني يا معتز.”
معتز بسخرية:
“بكرة نشوف يا بنت عمي.”
رقية:
“معتز، مفيش حاجة بالإجبار. وبعد إذنك اخرج بره.”
معتز نظر إلى أميرة بنظرة غاضبة وقال:
“حاضر يا مرت أخوي.”
أميرة بضيق:
“يا رب الواحد يرتاح من الكلام ده.”
رقية أخذت أختها في حضنها:
“معلش يا عمري.”
في الخارج
نزل حمزة إلى الأسفل وجلس بجانب والده ووالدته.
قال:
“صحيح نسيت يا بوي، عايز أتكلم معاك في موضوع.”
مختار:
“موضوع إيه يا ولدي؟”
حمزة:
“في عريس جاي لهاجر، أختي.”
أمال:
“ولد مين؟”
حمزة:
“الأسواني.”
مختار هز رأسه:
“عيلة كبيرة وناس زينة.”
كانت هاجر بالقرب منهم تضع الطعام على السفرة، وسمعت الحديث.
أمال:
“دي عيلة ما تتردش، وهاجر مش هترفض أكيد.”
هاجر بمرح:
“مش هرفض إيه؟ لو حاجة كويسة أكيد مش هرفض.”
حمزة:
“جاي لك عريس كويس قوي يا هاجر.”
وقعت الأطباق من يد هاجر من الصدمة:
“عريس؟ لا طبعًا! أنا لسه في الجامعة ومش هتجوز دلوقت. أنا لسه صغيرة.”
أمال بسخرية:
“صغيرة؟ أنا من سنك كان عندي حمزة ومعتز، وإنتِ تقولي صغيرة؟”
صباح يوم جديد
نزلت هاجر مرتدية ملابسها لكي تذهب إلى جامعتها.
“صباح الخير.”
أمال:
“صباح النور. رايحة على فين بدري كده؟”
هاجر:
“على الجامعة.”
أمال:
“طيب خدي بالك من نفسك، أو استني حد من إخواتك يوصلك.”
هاجر بتوتر:
“لا، مش لازم عشان ما أتأخرش. متقلقيش عليا.”
أمال:
“طيب يا بنتي، ربنا معاكي. روحي وتوصلي بالسلامة.”
في مكان قريب من الجامعة
وقفت هاجر منتظرة شخصًا.
وعند وصوله قالت بخوف وقلق:
“إيه كل ده يا عبدالله؟ أنا واقفة متوترة لحد ييجي يشوفني معاك. ولو حد شافني واقفة معاك هيحصل كلام كبير وإنت عارف. بس كان لازم أقابلك النهاردة عشان نشوف حل. أنا جايلي عريس وبوي وحمزة مصممين عليه.”
عبدالله بحزن:
“طيب وبعدين؟ إنتِ عارفة إنهم استحالة يوافقوا عليا بعد اتهامهم لينا إننا السبب في اللي حصل لعمك.”
هاجر بتوتر:
“مش وقته الكلام ده. اتصرف. أنا ممكن أخسرك.”
عبدالله:
“هحاول معاهم وأشوف الدنيا فيها إيه.”
كانت هاجر على وشك الكلام، لكن أوقفها صوت:
“إيه ده يا هاجر؟ إنتِ واقفة معاه ليه؟”
نظرت هاجر بصدمة:
“إنتِ؟”
يا ترى مين اللي وصل؟ وإيه حكايتها؟ وإيه اللي هيحصل؟
الحلقة الثانية
هاجر عند وصول الشخص تتحدث بخوف وقلق:
“إيه كل ده يا عبدالله؟ أنا واقفة متوترة لحد ييجي يشوفني كده. ولو حد شافني واقفة معاك هيحصل كلام كبير، وإنت عارف. بس كان لازم أقابلك النهاردة عشان نشوف حل. أنا جايلي عريس وبوي وحمزة مصممين عليه.”
عبدالله بحزن:
“طيب وبعدين؟ إنتِ عارفة إنهم استحالة يوافقوا عليا بعد اتهامهم لينا إننا السبب في اللي حصل لعمك.”
هاجر بتوتر:
“مش وقته الكلام ده، اتصرف. أنا ممكن أخسرك.”
عبدالله:
“هحاول معاهم وأشوف الدنيا فيها إيه.”
هاجر كانت على وشك الكلام، لكن أوقفتها أميرة:
“إيه ده يا هاجر؟ إنتِ واقفة مع الشخص ده ليه؟”
هاجر بصدمة:
“أنا…”
أميرة بغضب:
“إنتِ إيه؟ واقفة مع الشخص اللي عيلته متهمة في الموضوع ده؟”
عبدالله:
“لو سمحتي يا أستاذة أميرة، أنا مش السبب في حاجة، والحقيقة هتظهر.”
أميرة بسخرية:
“الحقيقة هتظهر؟ كل حاجة هتظهر.”
عبدالله:
“أنا همشي، وهشوف حل لموضوعنا. متقلقيش.”
هاجر ابتلعت ريقها بصعوبة:
“ماشي.”
أميرة بعصبية:
“إنتِ متعلقة بيه للدرجة دي يا هاجر؟”
هاجر:
“أنا عارفة إن الموضوع صعب، بس مش عارفة أعمل إيه.”
في منزل الصياد
نزلت رقية.
نظرت لها أمال بضيق:
“إيه كل ده نوم؟”
رقية:
“معلش يا مرت عمي، غصب عني النوم غلبني.”
مختار:
“أنا بفكر أجيب واحدة تساعدكم.”
أمال:
“وهما لازمتهم إيه؟”
مختار:
“منى في بيتها ومش بتكون هنا دايمًا، وهاجر وأميرة في الجامعة، يعني رقية وشغل الدار كبير عليها.”
رقية فرحت:
“ربنا يبارك في عمرك يا عمي.”
أمال:
“روحي إنتِ، ما صدقتي. روحي حضري الفطار.”
رقية:
“حاضر.”
في شقة في مصر
كان يجلس ثلاثة شباب، من بينهم أدهم الصياد.
أدهم يضحك:
“يخرب بيت دماغكم، فوقوا شوية. في حد عاقل يدخل نفسه في ارتباط من غير تفكير؟”
نظر حمدي إلى عماد وقال:
“وبعدين يا ولدي؟ في الموضوع ده أخوك هيضيع من إيدينا.”
عماد بحيرة:
“معرفش يا بوي، أنا احتارت.”
في منزل الصياد
حمزة:
“إيه يا معتز؟ مش ناوي تتجوز بقى؟ أنا كبرت يا خوي.”
معتز:
“ناوي، ومن زمان قوي كمان، وعايز النهاردة قبل بكرة.”
مختار:
“إنت بس حدد، المهم نفرح بيك.”
حمزة:
“قولنا بس عينك على مين؟”
معتز:
“مانت عارف يا أخوي، عيني على أميرة بنت عمي من زمان.”
مختار:
“طيب على البركة يا ولدي، هي هتلاقي أحسن منك؟”
أمال بضيق:
“أميرة؟ مش كفاية واحدة ولسه هناخد التانية؟”
حمزة نظر لوالدته:
“وفيها إيه يا أمي؟ لما ياخد بنت عمه؟”
معتز:
“صحيح يا أمي، بس ادعي إنها توافق.”
أمال بثقة:
“ليه ما توافقش؟ هتلاقي حد أحسن منك فين؟”
مختار:
“لا يا ولدي، كلامك صح.”
أمال:
“المهم، قولي إنت يا حمزة، هتعمل إيه في موضوعك؟”
حمزة باستغراب:
“موضوع إيه يا أمي؟”
أمال:
“موضوع الأولاد يا ولدي.”
حمزة ابتسم:
“إيه الموضوع ده يا أمي؟”
أمال:
“أنا عارفة إن عندك بنات وربنا يخليهم لك، قصدي مش ناوي يكون عندك ولد؟”
حمزة تنهد وحاول يكون هادئًا:
“أكيد نفسي يا أمي، لكن لما ربنا يريد. لو ربنا أراد يديني ولد الحمد لله، ولو مش أراد فأنا بحمد ربنا وبشكره، وأنا عندي بناتي حبايبي وربنا يبارك لي فيهم.”
أمال:
“إيه الكلام ده يا ولدي؟ حاول تاني، وخلي مراتك تروح للدكتورة، ولو مفيش حل، يبقى فيه حل تاني يا ولدي عشان يكون عندك ولد يسند إخواته.”
حمزة انتبه لكلام والدته:
“حل إيه يا أمي؟”
أمال:
“تتجوز يا ولدي، وده حقك.”
كانت رقية خارجة من المطبخ وسمعت الحديث، ونزلت دموعها بحزن، ووقفت جانبًا تنتظر رد حمزة.
وقف حمزة وقال بقوة:
“مش أنا يا أمي اللي حد يقولي أعمل إيه وأسوي إيه. أنا مقتنع بأمر ربنا، ومش هخلي موضوع الأولاد يفرق بيني وبين رقية. أهم حاجة عندي رقية والبنات. ومش هتفتحوا السيرة دي تاني، لا معايا ولا مع رقية. الموضوع ده يخصنا إحنا وبس.”
مختار:
“سيبيه على راحته يا أمال، هو حر. بس أحب أقولك يا ولدي إنك ممكن تندم بعدين لو ما فكرتش في الموضوع.”
حمزة تنهد، لكنه لم يقتنع.
“والبنات ما تفرقش عندي عن أي ولد.”
مسحت رقية دموعها وخرجت عليهم، وحاولت إخفاء حزنها:
“عايزين مني حاجة؟ أنا طالعة أرتاح شوية.”
حمزة قام:
“استني، أنا طالع معاكي يا رقية.”
في غرفة رقية
حمزة:
“رقية، مش عايز أسمع الكلام ده تاني. لو ربنا ما رزقناش بولد، ده مش هيغير أي حاجة عندي. أنا مش هتخلى عنك ولا عن بناتي. إنتِ حبيبة العمر.”
رقية بدموع وحب:
“حبك ليا بيخليني عايزة أعمل أي حاجة عشان أسعدك. نفسي أسعدك يا حمزة.”
حمزة:
“الولد مش هو اللي هيسعدني. سعادتي وفرحتي بقربي منك وبس. ومتخليش كلام أمي يأثر فيكي.”
رقية:
“مش هينفع نسيب الدار عشان أميرة هتبقى لوحدها، وكمان عشان عمي ما يزعلش منك.”
حمزة:
“أنا بس بعرفك إني مستعد أعمل أي حاجة عشان تكوني مبسوطة.”
بعد عدة ساعات
مختار:
“خدي يا أميرة.”
أميرة:
“نعم يا عمي؟”
مختار:
“في عريس متقدم لك.”
أميرة بدهشة:
“عريس؟ عريس مين؟ أنا مش بفكر في الموضوع ده نهائي. آسفة يا عمي، قول للعريس إن طلبي مرفوض.”
أمال:
“إنتِ مش عارفة إنتِ بتتكلمي إزاي.”
أميرة:
“أنا مش شايفة إن الموضوع ده يخص حد غيري. أنا ليا الحق أوافق أو أرفض.”
مختار:
“طب ما تعرفي العريس مين الأول.”
أميرة:
“حتى لو مين، أنا مش بفكر في الجواز دلوقت.”
مختار:
“العريس معتز، ولد عمك.”
برقت عينا أميرة من الصدمة:
“معتز؟ مستحيل. أنا مش هتجوزه، حتى لو كان آخر شخص في الدنيا.”
أمال بعصبية:
“عشان كلامك ده، هتتجوزيه.”
أميرة بعناد:
“أنا مش هتجوزه. أنا هكمل تعليمي وهشتغل كمان.”
وقفت أمال بحزم:
“طيب إيه رأيك يا بنت المصراوية؟ من النهاردة مفيش تعليم ولا خروج. هتقعدي هنا تساعدي أختك.”
أميرة بصدمة:
“إنتِ بتقولي إيه؟”
نزل حمزة على صوتهم:
“في إيه؟ صوتكم عالي ليه؟”
الحلقة الثالثة
