حمزة بصوت جهوري:
“في إيه؟ مالكم؟ صوتكم عالي كده ليه؟”
أمال بعصبية:
“تعالى شوف بنت عمك وأخت مراتك. محدش قادر يتفاهم معاها، كل ما حد يكلمها ترد علينا.”
مختار:
“اسكتي بقى يا أمال. هو أنا بقيت مش مسموع كلامي في بيتي؟”
رقية نزلت مخضوضة:
“في إيه؟ حصل إيه؟ أميرة عملت إيه؟”
حمزة:
“اهدي إنتِ يا رقية.”
ثم نظر لوالدته:
“في إيه يا أمي؟ قولي أميرة مالها.”
كانت أمال ستتكلم، لكن مختار قال:
“هقولك أنا يا ولدي. أخوك معتز عايز يتجوز أميرة، وهي بنت عمه وهو راغب فيها.”
حمزة:
“كلام زين قوي. مش هنلاقي أحسن من أميرة لمعتز ولا أحسن من معتز لأميرة.”
أمال:
“كويس إن الكلام عاجبك، لكن الهانم مش موافقة.”
حمزة بهدوء:
“طيب هي حرة. دي حياتها، وهي اللي تختار. الجواز لازم يكون براحة نفسية وتوافق، مش عشان نرضي حد.”
نظرت أميرة إلى حمزة وابتسمت براحة.
أمال بضيق:
“يعني بنت صغيرة زي دي هتمشي كلامها علينا؟”
مختار:
“اسكتي يا أمال. زي ما حمزة قال، هي حرة، لكن إحنا برضه من حقنا نختار الشخص اللي نشوفه مناسب.”
أميرة:
“أكيد يا عمي، إنت اللي ربيتني وكلمتك على راسي.”
مختار بسخرية:
“ما هو باين.”
رقية:
“متزعلش يا عمي، الجواز قسمة ونصيب، وأكيد لو فيه نصيب بينهم هيكونوا لبعض.”
أمال نظرت إلى رقية بضيق وقامت ودخلت غرفتها.
أميرة لحمزة:
“آسفة يا حمزة على اللي حصل، وشكرًا جدًا على وقفتك جنبي.”
حمزة بابتسامة:
“يا بنتي دي حياتك. إنتِ اللي تختاري شريك حياتك. لازم يكون فيه توافق وحب وراحة نفسية بين الطرفين.”
ثم ابتسم:
“وإنتِ ومعتز أصلًا مش متفاهمين.”
رقية وضعت يدها على فمها وضحكت:
“والله عندك حق.”
أميرة:
“مش مسألة كده، أنا معتبرة معتز زي أخويا، مش أكتر.”
في غرفة أمال ومختا
أمال بعصبية:
“بنت صغيرة زي دي هتمشي كلامها علينا؟”
مختار:
“الموضوع ده بالذات لازم يتاخد بهدوء، لكن مش معنى كده إنها هتقرر كل حاجة لوحدها.”
أمال:
“طيب هنعمل إيه؟”
مختار:
“أنا عندي فكرة، بس اصبري.”
أمال:
“أيوه كده يا حاج.”
مختار:
“خليها علينا، المهم نلاقي حل يرضي الجميع.”
بعد حوالي أسبوع – في منزل الأزهري
حمدي:
“أخوك لسه بيفكر في موضوع بنت الصياد. هنعمل إيه؟ هنشيل الموضوع ده إزاي من دماغه؟ مصمم عليها كأنها آخر بنت في الدنيا.”
عماد بثقة:
“نجوزهاله يا بوي، وإيه المشكلة؟”
حمدي باستغراب:
“إيه اللي بتقوله ده؟ وإزاي يتجوز بنت الصياد؟”
عماد:
“محدش يقدر يقلل مننا يا بوي، لكن لازم نروح نتقدم لها. وهم كده كده ممكن يرفضوا، وإحنا نكون عملنا اللي علينا عشان ولدنا يرجع لنا. هو مش عارف يعيش من غيرها.”
حمدي:
“بس لو روحنا لهم يبقى موقفنا صعب.”
عماد:
“هنستحمل عشان ولدنا. والموضوع ده لازم نوضح لعبدالله إننا عايزين مصلحته، حتى لو الموضوع مش سهل علينا. وبعد كده نساعده يختار الطريق المناسب.”
حمدي:
“كلام زين يا ولدي. مع إنه مش سهل، لكن خلينا نشوف آخره.”
عماد:
“ربنا يباركلك يا بوي.”
دخلت مي بنت حمدي:
“بوي، الوكل جاهز.”
حمدي:
“ماشي يا بتي.”
في غرفة حمزة ورقية
حمزة بابتسامة:
“مع إني عارف، بس قوليلي إنتِ ليه؟”
رقية بحب:
“عشان إنت فيك كل مواصفات الرجولة والحب، وكل حاجة فيك أي بنت تتمناها. إنت سند وضهر لأي حد.”
ابتسم حمزة ولمس شعرها بحنان:
“والملكة للملك يا رقية. وإنتِ الملكة بتاعتي. محدش ينفع يكون مكانك.”
ثم سمعا طرقًا على الباب.
اعتدلت رقية وقام حمزة ليفتح.
“خير يا حبايبي؟”
أيسل بدموع:
“إنتوا سايبينا لوحدنا وقاعدين هنا.”
حمزة:
“وفيها إيه؟ ومالك بتبكي ليه؟”
بيري بطفولة:
“إحنا على طول قاعدين لوحدنا، وكل ما ننزل تيتا تزعل مننا وتقول لنا كلام يضايقنا.”
نظرت رقية إلى حمزة وسكتت.
غضب حمزة، وارتدى قميصه ونزل.
رقية حاولت تهدئته، لكنه كان غاضبًا.
قالت للبنات:
“خليكم إنتوا هنا.”
ونزلت خلفه.
في الأسفل
حمزة:
“يا أمي!”
خرجت أمال من غرفتها:
“في إيه يا حمزة؟ مالك؟”
حمزة:
“قوليلي يا أمي، إنتِ عايزة إيه بالضبط؟ وليه بتعملي كده معايا؟”
أمال:
“في إيه يا ولدي؟ أنا مش فاهمة حاجة.”
حمزة:
“إنتِ لو مش مرتاحة للبنات، أنا ممكن أخدهم وأعيش في مكان تاني، لكن بناتي خط أحمر عندي.”
أمال:
“ومين اللي ضايقهم؟ الكل هنا بيحبهم.”
حمزة:
“مهو باين. إنتِ قلتي لهم كلام يضايقهم.”
أمال:
“أنا أقول كده لبناتك؟ استغفر الله! حتى الأطفال ممكن يفهموا الكلام غلط. إنت عارف إنهم غاليين عندي.”
حمزة هدأ قليلًا:
“إنتِ عارفة يا أمي إني مقدرش أزعلك، بس دول بناتي، وأنا اتضايقت لما سمعت الكلام ده.”
أمال:
“عمري ما أزعل منك يا بني، روح ربنا يرضى عنك.”
ثم نظرت إلى رقية:
“وإنتِ يا هانم، خدي بالك من البنات، وما تخليش الكلام يزيد بينهم وبين جدتهم.”
في غرفة البنات
دخل حمزة وكان غاضبًا، وجلست رقية بجواره.
قال للبنات:
“تعالوا هنا.”
أيسل:
“نعم يا بابا.”
حمزة:
“خليكم قدامي.”
بيري بطفولة:
“إحنا في المدرسة ولا إيه يا بابا؟”
رقية حاولت تهدئته:
“حمزة، بالراحة.”
أيسل بدموع:
“والله يا بابا إحنا ما قلناش حاجة من عندنا، إحنا سمعنا تيتا بتقول كده.”
حمزة بصوت حازم:
“خلاص، حتى لو سمعتم حاجة، ما تردوش بنفس الطريقة. فاهمين؟”
أيسل:
“حاضر يا بابا.”
حمزة:
“دلوقت أنا عايزكم تقعدوا في أوضتكم شوية لحد ما نهدى كلنا.”
خرج حمزة وأغلق الباب.
في غرفة أمال ومختار
مختار بنعاس:
“في إيه؟ مال حمزة صوته عالي كده ليه؟”
أمال:
“البنات نقلوا له الكلام اللي حصل.”
مختار:
“يعني زعل بسبب الكلمة دي؟”
أمال:
“لو عرف إنهم سمعوا مني، هيعرف إني كنت السبب، وممكن الموضوع يكبر.”
مختار تنهد:
“ماشي، عندك حق. خلينا نهدى الموضوع.”
في الحديقة
دخل البواب على حمزة مسرعًا:
“حمزة بيه، حمزة بيه.”
حمزة بضيق:
“عايز إيه؟ مالك مستعجل كده؟”
البواب:
“حمدي الأزهري وولاده الاتنين بره على الباب.”
حمزة باستغراب:
“مالهم دول؟ عايزين إيه؟”
البواب:
“أدخلهم المندرة؟”
حمزة:
“أيوه، دخلهم المندرة لحد ما أنادي بوي.”
البواب:
“حاضر يا بيه.”
قال حمزة لنفسه:
“عايزين إيه دول كمان؟”
