
في غرفة رقية
كانت رقية تجلس على السرير وبناتها بجوارها، وكانت تبكي.
دخلت هاجر وأميرة.
هاجر:
“خلاص يا رقية، حصل خير.”
“أنا لسه عرفت من منى اللي حصل، متزعليش.”
رقية:
“مش عارفة ليه كل ده بيحصل لنا.”
أميرة:
“خلاص يا رقية، عشان خاطر حمزة.”
هاجر:
“معلش، امسحيها فيا.”
رقية تمسح دموعها:
“وإنتِ إيه ذنبك؟”
في الأسفل
مختار:
“دول جايين عايزين إيه؟ وإزاي دخلوا الدار؟”
حمزة:
“معرفش يا بوي، بس زيارتهم غريبة ومش مرتاح لها.”
مختار:
“يلا نروح نشوفهم. فين معتز؟”
حمزة:
“معرفش.”
مختار:
“شوفه وخليه ييجي، وخلي حد من الحريم يعمل شاي أو قهوة.”
حمزة:
“حاضر يا بوي.”
دخل حمزة غرفة معتز، فوجده يرتدي ملابسه.
“خارج على فين كده؟”
معتز:
“خارج، في حاجة؟”
حمزة:
“ولاد الأزهري وأبوهم بره. تعال، بوي عايزك تبقى موجود معانا ونشوفهم عايزين إيه.”
معتز باستغراب:
“إيه اللي جابهم هنا؟”
حمزة:
“على العموم، كمل لبسك وتعالى.”
معتز:
“حاضر يا خوي.”
في المندرة
كان يجلس حمدي وأولاده، ودخل عليهم مختار ثم حمزة.
قال حمزة:
“خير يا ولاد الأزهري؟ إيه الزيارة الغريبة دي؟”
حمدي:
“دي حسن الضيافة يا حمزة؟”
حمزة:
“خلينا في المهم، عايزين إيه؟”
عماد يحاول تهدئة الموقف:
“حمزة، اتكلم بهدوء مع بوي.”
حمزة:
“إحنا عارفين نتكلم كويس. المهم، إيه اللي جابكم؟”
نظر حمدي إلى مختار:
“إنت سايب ولدك يتكلم كده وإنت ساكت يا مختار؟”
مختار:
“أيوه، عشان كلامه واضح. قول يا حمدي، إيه اللي جابك إنت وولادك؟”
عبدالله بثقة:
“جايين نطلب يد هاجر بنتك ليا يا حاج مختار. وأنا جاي وأنا متأكد إنك هتسمعنا وتفكر في طلبنا.”
حمزة ضحك بسخرية:
“إيه الثقة دي؟ ما شاء الله، حتى الشباب بقت تتكلم بثقة.”
عبدالله:
“بص يا حمزة، أنا مش هكلمك بنفس طريقتك، عشان أنا مقدر كل اللي بين العيلتين. لكن أنا فعلًا جاي وأنا واثق، عشان أنا وأختك بنحب بعض، وعايزين نكمل حياتنا بالطريقة الصح.”
حمزة بصدمة:
“إنت بتقول إيه؟”
في الجانب الآخر – غرفة البنات
كانت رقية وبناتها وهاجر وأميرة يحاولن تغيير الجو والضحك معًا.
دخل معتز فجأة، وشاهد أميرة وهي ترقص على أنغام الأغاني.
توقف الجميع للحظة.
الحلقة الرابعة
معتز انصدم من الموقف، واقترب من أميرة بغضب.
أميرة خافت وتراجعت.
هاجر تدخلت بسرعة:
“معتز، إنت هتعمل إيه؟ إنت فهمت الموقف غلط.”
رقية بقلق:
“معتززز!”
معتز:
“إيه اللي عملتيه ده يا بنت عمي؟ أنا مش هعدي الموقف كده.”
أميرة استعادت شجاعتها:
“لو إنت كنت هادي وفهمت الموقف، ما كنتش اتضايقت بالشكل ده.”
معتز:
“وكمان بتردي عليا؟”
أميرة:
“أنا مش هبقى مرات حد غصب عني. وقولتلك قبل كده، أنا مش موافقة.”
معتز رفع حاجبيه:
“وبقيتي تتكلمي مع ابن عمك الأكبر منك بالطريقة دي؟”
هاجر تدخلت:
“هتقوله إيه يا معتز؟ إنت فعلًا فهمت الموقف غلط.”
معتز بصوت مرتفع:
“إنتِ كمان اسكتي، الموضوع مش موضوعك.”
هاجر خافت من صوته ونظرت إلى الأرض.
في الأسفل
حمزة بصوت غاضب:
“إنت بتقول إيه يا عبدالله؟ إنت أكيد ما فكرتش كويس.”
عبدالله:
“أنا بقول الحقيقة. أنا وهاجر بنحب بعض، وجاي أطلبها بالحلال.”
مختار بضيق:
“إزاي تتجرأ وتدخل في موضوع زي ده من غير ما تتكلم مع أهلها الأول؟”
عبدالله بثقة:
“يا حاج، بنتك غالية ومقدرة عندنا، وأنا ما قلتش أي كلمة تقلل منها. أنا جاي أطلبها بشكل واضح ومحترم.”
حمدي:
“الحب مش عيب يا مختار، وإحنا أصحاب من صغرنا وعارفين بعض كويس.”
مختار بتوتر:
“الموضوع ده محتاج تفكير، ومش هيتحسم كده.”
عماد، الذي كان ساكتًا طوال الجلسة، قال:
“كفاية كلام. كل واحد يقول رأيه بهدوء، والقرار في النهاية لأهل البيت وهاجر.”
نظر حمزة بغضب إلى عماد:
“إنتوا حتى لو آخر ناس في الدنيا، أنا مش موافق على الموضوع بالشكل ده. اتفضلوا دلوقت، ونشوف الموضوع بعدين.”
حمدي:
“اللي بيحب حد بيطلبه من أهله، وابني جاي بالطريقة الصح.”
خرج حمدي وعماد وعبدالله.
قال معتز:
“كانوا جايين ليه أصلًا؟”
حمزة لم يرد، ودخل المنزل غاضبًا.
ثم بدأ ينادي:
“هااااجر!”
أمال:
“في إيه يا ولدي؟ صوتك عالي ليه؟”
حمزة:
“فين بنتك؟”
أمال:
“معرفش يا ولدي. بس هي مالها؟”
في الأعلى
سمعت هاجر صوت حمزة ينادي عليها، وقالت بقلق:
“حمزة ماله بينادي عليا بالطريقة دي؟ يا رب استر.”
أميرة:
“أكيد معتز قال له حاجة بسبب اللي حصل.”
رقية:
“طيب وهاجر مالها؟ لو عايز يكلمها يجي يتكلم بهدوء.”
وفجأة فتح الباب ودخل حمزة.
قال:
“إنتِ هنا يا هانم؟”
هاجر بخوف:
“أيوه يا خوي، في إيه؟”
رقية:
“اهدى يا حمزة، وفهمنا في إيه.”
حمزة:
“إنتِ وأميرة اخرجوا بره وخدوا البنات معاكم.”
رقية:
“طيب فهمنا إيه سبب العصبية دي؟”
حمزة بصوت حازم:
“قلت اخرجوا بره.”
ثم نظر إلى هاجر:
“إنتِ ليه ما قلتيش لنا إنك مرتبطة بعبدالله؟”
هاجر بكت:
“أنا والله ما كنت أقصد أخبي حاجة. بس ما كنتش عارفة أقول لكم إزاي.”
حمزة:
“عبدالله جه هنا هو وأهله وطلب يدك.”
هاجر بصدمة:
“عبدالله جه هنا؟”
حمزة:
“أيوه. وده معناه إن الموضوع بقى رسمي.”
هاجر:
“يا خوي، هو جاي بالحلال. الحب مش عيب، وإنت عارف ده.”
حمزة:
“أنا عارف إن الحب له مكانه، لكن القرار ده مش سهل، وخصوصًا مع الخلاف اللي بين العيلتين.”
هاجر بدموع:
“طيب فكر فيه يا خوي. عبدالله ممكن يكون الشخص المناسب ليا.”
حمزة:
“أنا مش موافق دلوقت، والموضوع محتاج تفكير.”
خرج حمزة من الغرفة.
مختار:
“عملت إيه معاها يا ولدي؟”
حمزة:
“فهمتها إن الموضوع مش هيتحسم بسرعة، وإن لازم نفكر في العريس اللي اتقدم لها.”
معتز:
“طيب نتصل بيهم ونقول لهم ييجوا في وقت مناسب ونشوف الموضوع.”
أمال:
“بالراحة يا ولاد، دي أختكم.”
رقية:
“هو في إيه يا جماعة؟ حد يفهمنا.”
أمال باستغراب:
“إنتِ لسه مش فاهمة؟”
رقية سكتت لأنها فعلًا لم تكن تعرف التفاصيل.
همست أميرة لها:
“أنا فهمت، وهفهمك بعدين. دلوقت اسكتي وخلي الموضوع يعدي بهدوء.”
يتبع…

